സെ : സ്റ്റീഫൻസ് ഓർത്തഡോൿസ് കോണ്ഗ്രിഗെഷൻ ഇടവകയുടെ ഈ വർഷത്തെ പുതുവത്സര ആഘോഷം സമാപിച്ചു . മലങ്കര ഓർത്തഡോൿസ് സഭയുടെ തുമ്പമണ് ഭദ്രാസനാധിപൻ കുരിയാകോസ് മാർ ക്ലീമീസ് മെത്രാപോലീത്തയുടെയും അമേരിക്കൻ ഭദ്രാസനാധിപൻ അലെക്സിയൊസ് മാർ യൗസേബിയോസ് മെത്രാപോലീത്തയുടെയും സാന്നിദ്ധ്യത്താൽ ഈ വർഷത്തെ ആഘോഷങ്ങൾ ശ്രെദ്ധെയമായി.
രാവിലെ 6.30 നു നടന്ന വിശുദ്ധ കുര്ബാനയ്ക്ക് തുമ്പമണ് ഭദ്രാസനാധിപൻ കുരിയാകോസ് മാർ ക്ലീമീസ് മെത്രാപോലീത്ത മുഖ്യ കാർമികത്വം വഹിച്ചു .സ്വാർത്ഥ ലാഭത്തിനായി പരിസ്ഥിതിയെ ആക്രമിക്കുന്ന മനുഷ്യ മനസിനെതിരെ അദ്ദേഹം വിശ്വാസികളെ ഉദ്ബോധിപ്പിച്ചു . ശരിയായ പരിസ്ഥിതി സംരക്ഷണത്തിന്റെ ആവശ്യകതയെ ആധ്യാത്മിക ജീവിതത്ത്ന്റെ അടിസ്ഥാനത്തിൽ അദേഹം വിശദീകരിച്ചു .
തുടർന്ന് വൈകിട്ട് 6.30 മുതൽ ഇടവകയുടെ കുടുംബ സംഗമം “സ്റെഫാനിയാൻ ഫെസ്റ്റിവിറ്റി” നടത്തപെട്ടു .ഇടവക വികാരി റവ.ഫാ. സഞ്ചു ജോണിന്റെ അധ്യക്ഷതയിൽ അലെക്സിയൊസ് മാർ യൗസേബിയോസ് മെത്രാപോലീത്ത യോഗം ഉദ്ഘാടനം ചെയ്തു . ഇടവക ട്രസ്റ്റി കെ. രാജു , സെക്രട്ടറി ബിനു തോമസ്,വിവിധ ആധ്യാത്മിക സംഘടന ഭാരവാഹികൾ എന്നിവർ സംസാരിച്ചു .
തുടർന്ന് യുവജന പ്രസ്ഥാനം ,സണ്ടേ സ്കൂൾ ,മർത്തമറിയ സമാജം,പ്രാർത്ഥന യോഗങ്ങൾ ,ഗായക സംഘം എന്നി ആധ്യാത്മിക സംഘടനകളുടെ നേത്രുത്വത്തിൽ വിവിധ കലാ പരിപാടികൾ അരങ്ങേറി .
പുതുവർഷ പ്രവേശനത്തിന് മുൻപായി ഡിസംബർ 30,31 തീയതികളിൽ ഇടവകയുടെ നേത്രുത്വത്തിൽ ഒരുക്ക ധ്യാനം ക്രമീകരിച്ചിരുന്നു .
ഇടവകയുടെ പെരുന്നാൾ ജനുവരി 8 ന് അലെക്സിയൊസ് മാർ യൗസേബിയോസ് മെത്രാപോലീത്തയുടെ മുഖ്യ കാർമികത്വത്തിൽ നടത്തപ്പെടും
