Malankara Orthodox Church: Episcopal Synod Decisions

Malankara Orthodox Church Synod Minutes

1976-1983

_______________________________________________________________________________________

1980 Feb.

_______________________________________________________________________________________

1995 February

1995 ഫെബ്രുവരി സുന്നഹദോസ്

ഏതാനും വര്‍ഷങ്ങളായി അമേരിക്കാ ഭദ്രാസനത്തില്‍ ഉണ്ടായിട്ടുള്ള പ്രശ്നങ്ങള്‍ക്ക് പ. സുന്നഹദോസ് പരിഹാരം കണ്ടെത്തി. ഡോ. തോമസ് മാര്‍ മക്കാറിയോസ് മെത്രാപ്പോലീത്തായെ അമേരിക്കാ ഭദ്രാസനത്തിലെ സീനിയര്‍ മെത്രാപ്പോലീത്താ ആയി നിയമിക്കണമെന്നും ബര്‍ന്നബാസ് മെത്രാപ്പോലീത്താ തല്‍സ്ഥാനത്ത് തുടരണമെന്നും തീരുമാനിച്ചു.

മലങ്കര ഓര്‍ത്തഡോക്സ് സഭയുടെ 1995-ലെ ഫെബ്രുവരി സുന്നഹദോസ് ആണ് ഈ തീരുമാനം എടുത്തത്. ഫെബ്രുവരി മാസം 21-ാം തീയതി രാവിലെ 9.30-ന് ആരംഭിച്ച സുന്നഹദോസ് 25-ാം തീയതി ഉച്ചയ്ക്ക് 1.15-ന് അവസാനിച്ചു. സുന്നഹദോസില്‍ പ. ബസേലിയോസ് മാര്‍ത്തോമ്മാ മാത്യൂസ് ദ്വിതീയന്‍ കാതോലിക്കാബാവാ അദ്ധ്യക്ഷം വഹിച്ചു. ഡല്‍ഹി മെത്രാസനത്തിലെ തിരുമേനിമാര്‍ ഒഴികെ മൊത്തം 20 തിരുമേനിമാര്‍ പ. സുന്നഹദോസില്‍ സംബന്ധിച്ചിരുന്നു.
അഭി. മാത്യൂസ് മാര്‍ എപ്പിഫാനിയോസ് മെത്രാപ്പോലീത്താ നാലു ദിവസവും അഞ്ചാം ദിവസം ഗീവറുഗീസ് മാര്‍ ഒസ്താത്തിയോസ് തിരുമേനിയും ധ്യാനം നയിച്ചു.
ബി. ഷെഡ്യൂളില്‍പ്പെട്ട സംഘടനകളുടെയും പ്രസ്ഥാനങ്ങളുടെയും സ്ഥാപനങ്ങളുടെയും 1995-96-ലെ വാര്‍ഷിക ബജറ്റ് പാസാക്കി.

കഴിഞ്ഞ 15 വര്‍ഷമായി അമേരിക്കന്‍ മെത്രാസനത്തില്‍ നിലവിലിരുന്ന എല്ലാ പ്രതിസന്ധികള്‍ക്കും ഭിന്നതകള്‍ക്കും ശാശ്വതമായ ഒരു പരിഹാരം അമേരിക്കയിലുള്ള അഭി. തോമസ് മാര്‍ മക്കാറിയോസ് തിരുമേനിയും, അഭി. മാത്യൂസ് മാര്‍ ബര്‍ന്നബാസ് തിരുമേനിയും സമ്മതിച്ച് പ. സുന്നഹദോസിന്‍റെ ഏകാഭിപ്രായമായി ഒരു തീരുമാനം എടുത്തു. അതനുസരിച്ച് ഏപ്രില്‍ മാസം 27-നു മുമ്പ് മാര്‍ മക്കാറിയോസ് തിരുമേനിയും, മാര്‍ ബര്‍ന്നബാസ് തിരുമേനിയും ചേര്‍ന്ന് അമേരിക്കയിലുള്ള പള്ളികള്‍ സന്ദര്‍ശിച്ചും, സംയുക്ത ഇടയലേഖനങ്ങള്‍ പുറപ്പെടുവിച്ചും നിലവിലുള്ള കേസുകളും ഭിന്നതകളും അവസാനിപ്പിക്കും.

അമേരിക്കാ മെത്രാസനത്തിലെ സീനിയര്‍ മെത്രാപ്പോലീത്താ ആയി തോമസ് മാര്‍ മക്കാറിയോസ് തിരുമേനിയെ നിയമിക്കുന്നതാണ്. മാത്യൂസ് മാര്‍ ബര്‍ന്നബാസ് മെത്രാപ്പോലീത്താ അമേരിക്കാ മെത്രാസനത്തിന്‍റെ മെത്രാപ്പോലീത്താ ആയി തുടരുന്നതും മെത്രാസന ഭരണം അദ്ദേഹം മാത്രം നിര്‍വ്വഹിക്കുന്നതും ആയിരിക്കും. പള്ളികള്‍ സന്ദര്‍ശിക്കുന്നതിനും അവിടെ കൂദാശകളും മറ്റ് ആത്മീയാവശ്യങ്ങളും നടത്തുന്നതിനും ഭദ്രാസന പൊതുയോഗത്തില്‍ അദ്ധ്യക്ഷം വഹിക്കുന്നതിനും പൊതുയോഗം ബര്‍ന്നബാസ് തിരുമേനിയും ഒന്നിച്ചു വിളിച്ചുകൂട്ടുന്നതിനും സീനിയര്‍ മെത്രാപ്പോലീത്തായ്ക്ക് അവകാശം ഉണ്ടായിരിക്കും.

ഭവനദാന പദ്ധതിയുടെയും സമൂഹവിവാഹ പദ്ധതിയുടെയും റിപ്പോര്‍ട്ടുകള്‍ സുന്നഹദോസ് അംഗീകരിച്ചു. ഭവനസഹായ പദ്ധതി അനുസരിച്ച് 704 വീടുകള്‍ക്ക് കേന്ദ്രവിഹിതമായി 2816000 രൂപായും സമൂഹ വിവാഹ പദ്ധതി അനുസരിച്ച് 156 വിവാഹങ്ങള്‍ക്ക് 2264500 രൂപായും നല്‍കി.

വര്‍ദ്ധിച്ചുവരുന്ന പ്രൊട്ടസ്റ്റന്‍റ് കത്തോലിക്കാ കരിസ്മാറ്റിക് പ്രസ്ഥാനങ്ങള്‍ ഓര്‍ത്തഡോക്സ് സഭയുടെ വിശ്വാസങ്ങള്‍ക്കും പാരമ്പര്യങ്ങള്‍ക്കും എതിരായതിനാല്‍ ആ യോഗങ്ങളില്‍ സഭാംഗങ്ങളോ വൈദികരോ സംബന്ധിക്കുന്നത് ഉത്തമമല്ലെന്നും, അതില്‍നിന്ന് സഭാംഗങ്ങളെ സത്യമാര്‍ഗത്തിലേക്ക് നയിക്കുവാന്‍ ആവശ്യമായ നേതൃത്വം കൊടുക്കുവാന്‍ വൈദികരെ പ്രത്യേകം പരിശീലിപ്പിക്കണമെന്നും പ. എപ്പിസ്ക്കോപ്പല്‍ സുന്നഹദോസ് തീരുമാനിച്ചു. അതിനാവശ്യമായ ലഘുലേഖനങ്ങളും പുസ്തകങ്ങളും പ്രിന്‍റ് ചെയ്ത് ഇടവകകളില്‍ എത്തിക്കുക, സ്റ്റഡി ക്ലാസുകളും സെമിനാറുകളും സംഘടിപ്പിക്കുക മുതലായ കാര്യങ്ങള്‍ക്ക് ഡോ. മാത്യൂസ് മാര്‍ സേവേറിയോസ് തിരുമേനിയെ ചുമതലപ്പെടുത്തി. ഇവയ്ക്കെല്ലാം ഉപയുക്തമാകത്തക്കവിധം ഭദ്രാസന ചുമതലയില്‍ ഇടവകകള്‍തോറും ഇന്‍റേണല്‍ മിഷന്‍ പ്രവര്‍ത്തനങ്ങള്‍ സംഘടിപ്പിക്കുവാനും യോഗം തീരുമാനിച്ചു.

കേരളത്തിന് പുറത്തു സഭാശുശ്രൂഷകളും സേവനങ്ങളും നടത്തുവാന്‍ കഴിവുള്ള വൈദികരേയും, മിഷന്‍ പ്രവര്‍ത്തകരേയും വാര്‍ത്തെടുക്കുവാന്‍ വേണ്ടി ഭിലായില്‍ സെമിനാരി കോഴ്സു നടത്തുന്നതിന് തീരുമാനിച്ചു. പ്രസ്തുത സെമിനാരി കോട്ടയം തിയോളജിക്കല്‍ സെമിനാരിയുടെ ഭാഗമായും സെമിനാരിയുടെ ഒരു ഫാക്കല്‍റ്റി അദ്ധ്യാപകനെ എങ്കിലും അവിടേക്ക് അയയ്ക്കുന്നതിനും അഭിപ്രായമുണ്ടായി. അഭി. സ്തേഫാനോസ് മാര്‍ തേവോദോസിയോസ് മെത്രാപ്പോലീത്തായുടെ ചുമതലയിലായിരിക്കും സെമിനാരി നടത്തുക.

കേരളത്തിനു പുറത്ത് വടക്കേ ഇന്ത്യയിലും തെക്കേ ഇന്ത്യയിലുമുള്ള ആളുകളുടെ ഇടയില്‍ സഭാ ശുശ്രൂഷകളും സേവനങ്ങളും വളരെ അവശ്യമാണെന്ന് യോഗം അഭിപ്രായപ്പെട്ടു. അതിനായി വടക്കേ ഇന്ത്യയിലെ സാധുക്കളായ ആളുകളുടെ വിദ്യാഭ്യാസത്തിനും, ആരോഗ്യസംരക്ഷണത്തിനുമായി ബാലവാടികള്‍, സ്കൂളുകള്‍, ആരോഗ്യ സംരക്ഷണ കേന്ദ്രങ്ങള്‍ ഇവ സ്ഥാപിക്കുന്നതിനും തമിഴ്നാട്ടിലുള്ള തിരുനല്‍വേലി, ചെങ്കോട്ട എന്നീ സ്ഥലങ്ങള്‍ തിരുവനന്തപുരം ഭദ്രാസനത്തോടു ചേര്‍ത്ത് മിഷന്‍ പ്രവര്‍ത്തനങ്ങള്‍ നടത്തുന്നതിനും സുന്നഹദോസ് തീരുമാനിച്ചു.

സഭയുടെ പേരില്‍ പുതുതായി ആരംഭിക്കുന്നതും ആരംഭിച്ചിട്ടുള്ളതുമായ എല്ലാ സ്ഥാപനങ്ങളിലും ഉണ്ടായിരിക്കേണ്ട നടപടിക്രമങ്ങള്‍ തീരുമാനിക്കുകയുണ്ടായി. അവയുടെ ഭരണഘടനയ്ക്കും ഭരണസമിതിക്കും കേന്ദ്രത്തില്‍നിന്നും അംഗീകാരം വാങ്ങിയിരിക്കേണ്ടതാണ്.

മലങ്കര ഓര്‍ത്തഡോക്സ് മദ്യവര്‍ജ്ജന ധാര്‍മികോന്നമന സമിതിയുടെ കേന്ദ്രസമിതിയും എക്സിക്യൂട്ടീവ് കമ്മറ്റിയും പുനഃസംഘടിപ്പിച്ചു.

പരുമല പള്ളിയിലെത്തുന്ന തീര്‍ത്ഥാടകരുടെ സൗകര്യം വര്‍ദ്ധിപ്പിക്കുകയും അവര്‍ക്ക് ആവശ്യമായ നേതൃത്വവും കൗണ്‍സിലിംഗും നല്‍കുന്നതിനും വേണ്ട സൗകര്യം വര്‍ദ്ധിപ്പിക്കുന്നതിനും തീരുമാനിച്ചു. അവിടെ ഓരോ മാസവും വെള്ളിയാഴ്ച ആരാധനകളിലും ധ്യാനത്തിലും യഥാക്രമം മാര്‍ അത്താനാസിയോസ്, മാര്‍ പക്കോമിയോസ്, മാര്‍ ഒസ്താത്തിയോസ്, മാര്‍ സേവേറിയോസ് എന്നീ തിരുമേനിമാര്‍ സംബന്ധിക്കുന്നതാണ്.
സഭയിലെ ആത്മീയ പ്രസ്ഥാനങ്ങളുടെ പ്രസിഡണ്ടുമാരുടെ കാലാവധി 3 വര്‍ഷം എന്നത് അഞ്ചു വര്‍ഷമായി വര്‍ദ്ധിപ്പിച്ചു. സ്ത്രീസമാജം, ബാലികാസമാജം ഇവയുടെ പ്രസിഡന്‍റായി മാര്‍ പക്കോമിയോസ് തിരുമേനിയെ നിയമിച്ചു.

എം.ഒ.സി. പബ്ലിക്കേഷന്‍സ്, ദിവ്യബോധനം, സെന്‍റ് തോമസ് വാലി സൊസൈറ്റി, അട്ടപ്പാടി സൊസൈറ്റി ഓഫ് ദി മിഷനറീസ് ഓഫ് സെന്‍റ്തോമസ് മലബാര്‍ ഭദ്രാസനം, സെന്‍റ് ജോര്‍ജ്ജ് മിഷന്‍ ട്രസ്റ്റ് എന്നിവകളുടെ ഭരണഘടന അംഗീകരിച്ചു. ഇറ്റാര്‍സിയിലെ ബാലികാമന്ദിരത്തിന്‍റെ ഭരണഘടന അംഗീകരിക്കുകയും, ഫാ. ഏബ്രഹാം ഉമ്മന്‍ നാഗപ്പൂര്‍, വെ. റവ. പി. എം. തോമസ് റമ്പാന്‍, വി. സി. ഫിലിപ്പ് ഭോപ്പാല്‍ എന്നിവരെ കമ്മറ്റി അംഗങ്ങളായി സുന്നഹദോസ് നോമിനേറ്റ് ചെയ്യുകയും ചെയ്തു.

കാതോലിക്കേറ്റ് ആന്‍ഡ് എം. ഡി. കോര്‍പ്പറേറ്റ് മാനേജ്മെന്‍റ് സ്കൂളിന്‍റെ ഇപ്പോള്‍ നിലവിലിരിക്കുന്ന അഡ്വൈസറി ബോര്‍ഡിന് പകരം എല്ലാ പ്രവര്‍ത്തനങ്ങളെയും നിയന്ത്രിക്കുവാനും കാര്യക്ഷമമാക്കുവാനുമായി ഒരു ഗവേര്‍ണിംഗ് ബോര്‍ഡിന്‍റെ ഭരണഘടന കെ.ഇ.ആറിനു വിധേയമായി അംഗീകരിച്ചു.

മലങ്കര ഓര്‍ത്തഡോക്സ് സഭയുടെ ആരാധനാസൗകുമാര്യത്തിലും വിശ്വാസത്തിലും ആകൃഷ്ഠനായി കുറെ നാളുകളായി വൈദിക സെമിനാരിയില്‍ താമസിച്ചു വരികയായിരുന്ന ആന്ധ്രാക്കാരന്‍ ഫാ. ജോണിനെയും അദ്ദേഹത്തിന്‍റെ കൂടെയുള്ളവരേയും സഭയോടു ചേര്‍ത്ത് ഒരു ഇടവകയായി കൊണ്ടുപോകുവാന്‍ മദ്രാസ് മെത്രാസനാധിപന്‍ സഖറിയാസ് മാര്‍ ദീവന്നാസ്യോസ് മെത്രാപ്പോലീത്തായെ ചുമതലപ്പെടുത്തി.

പള്ളികളില്‍ ആരാധനാസമയത്ത് മ്യൂസിക്കല്‍ ഇന്‍സ്ട്രമെന്‍റ്സ് ഉപയോഗിച്ചുള്ള ക്വയര്‍ ഗ്രൂപ്പുകള്‍, ആരാധനയുടെ ഭക്തിയും സൗന്ദര്യവും നഷ്ടപ്പെടുത്തുന്നതിനാല്‍, അതു പാടില്ലെന്നും എന്നാല്‍ ക്വയറില്‍ ഓര്‍ഗന്‍/ഹാര്‍മ്മോണിയം മാത്രം ശ്രുതി കൊടുക്കുവാന്‍ ഉപയോഗിച്ച് ആരാധന എല്ലാവരേയും പങ്കെടുപ്പിക്കത്തക്കവണ്ണമുള്ള ഗാനങ്ങളും ട്യൂണും ഉപയോഗിക്കാം എന്നും തീരുമാനിച്ചു.

(മലങ്കരസഭാ മാസിക, 1995 മാര്‍ച്ച്)

_______________________________________________________________________________________

1995 July

1995 ജൂലൈ സുന്നഹദോസ്

കോട്ടയം: മലങ്കര ഓര്‍ത്തഡോക്സ് സുറിയാനി സഭയുടെ അമേരിക്കന്‍ ഭദ്രാസനത്തിലെ തര്‍ക്കങ്ങള്‍ക്കു പരിഹാരമെന്നവണ്ണം തോമസ് മാര്‍ മക്കാറിയോസ് മെത്രാപ്പോലീത്തായ്ക്ക് എട്ട് ഇടവകകളുടെ സ്വതന്ത്ര ഭരണച്ചുമതല നല്‍കാന്‍ പരിശുദ്ധ എപ്പിസ്ക്കോപ്പല്‍ സുന്നഹദോസ് തീരുമാനിച്ചു. അതിനു പുറമേ മാര്‍ ബര്‍ന്നബാസ് മെത്രാപ്പോലീത്തായ്ക്ക് സഹായത്തിനായി അസിസ്റ്റന്‍റ് മെത്രാപ്പോലീത്തായെ നിയമിക്കുന്നതിനും സുന്നഹദോസിന് തീരുമാനമുണ്ട്.

പുതിയ തീരുമാനങ്ങള്‍ വന്നതോടെ കഴിഞ്ഞ ജനുവരിയില്‍ പ്രാബല്യത്തിലാക്കിയ താല്‍ക്കാലിക സംവിധാനം അസാധുവായി (മാത്യൂസ് മാര്‍ ബര്‍ന്നബാസിനെ ഭദ്രാസന മെത്രാപ്പോലീത്തായായും തോമസ് മാര്‍ മക്കാറിയോസിനെ, കാനഡ, യൂറോപ്പ് ഭദ്രാസന ചുമതല കൂടാതെ സീനിയര്‍ മെത്രാപ്പോലീത്തായായും നിലനിര്‍ത്തുന്നതായിരുന്നു പ്രസ്തുത സംവിധാനം). സുന്നഹദോസ് തീരുമാനങ്ങള്‍ വിശദീകരിച്ച സുന്നഹദോസ് സെക്രട്ടറിയും, ചെങ്ങന്നൂര്‍ ഭദ്രാസനാധിപനുമായ തോമസ് മാര്‍ അത്താനാസ്യോസ്, ഓതറ ദയറായില്‍ വച്ച് ഇക്കാര്യങ്ങള്‍ മലയാളം പത്രത്തെ അറിയിച്ചു. കോട്ടയം പഴയസെമിനാരിയിലെ സോഫിയാ സെന്‍ററില്‍ ജൂലൈ 29, 30, 31 നായിരുന്നു സുന്നഹദോസ്.

അമേരിക്കന്‍ ഭദ്രാസനത്തിലെ 64 ഇടവകകളില്‍ ക്വീന്‍സ് (എല്‍മോണ്ട്) സെന്‍റ് ഗ്രീഗോറിയോസ്, സഫേണ്‍ സെന്‍റ് ജോണ്‍ ദി ബാപ്റ്റിസ്റ്റ്, റോക്ക്ലാന്‍ഡ് സെന്‍റ് പീറ്റേഴ്സ്, ഫിലഡല്‍ഫിയ സെന്‍റ് മേരീസ്, ഡിട്രോയിറ്റ് സെന്‍റ് തോമസ്, ഷിക്കാഗോ സെന്‍റ് ഗ്രീഗോറിയോസ്, ബ്രൂക്ക്ലിന്‍ സെന്‍റ് ബസേലിയോസ്, ഫിലഡല്‍ഫിയ സെന്‍റ് തോമസ് എന്നീ ഇടവകകളാണ് മക്കാറിയോസ് തിരുമേനിയെ ഏല്‍പ്പിച്ചത്. മക്കാറിയോസ് തിരുമേനിയോട് കൂറുള്ളതും ബര്‍ന്നബാസ് തിരുമേനി സന്ദര്‍ശിച്ചിട്ടില്ലാത്തതുമായ ഇടവകകളാണിവ. ബര്‍ന്നബാസ് തിരുമേനിക്ക് ഒരു അസിസ്റ്റന്‍റ് മെത്രാപ്പോലീത്തായെ നല്‍കുന്നതിന് പരിശുദ്ധ ബാവാ തിരുമേനിയോട് ശുപാര്‍ശ ചെയ്യാനാണ് സുന്നഹദോസ് തീരുമാനം. മക്കാറിയോസ് തിരുമേനിക്കു പകരം താല്‍ക്കാലിക അടിസ്ഥാനത്തിലായിരിക്കും പുതിയ സംവിധാനം.

മലങ്കര ഓര്‍ത്തഡോക്സ് സുറിയാനി സഭയുടെ അമേരിക്കന്‍ ഭദ്രാസനത്തിലെ അന്തഃഛിദ്രങ്ങളെക്കുറിച്ച് പഠിച്ച് റിപ്പോര്‍ട്ട് സമര്‍പ്പിക്കാന്‍ കമ്മീഷനായി നിയമിച്ച മാത്യൂസ് മാര്‍ യൗസേബിയോസ്, ഡോ. മാത്യൂസ് മാര്‍ സേവേറിയോസ് എന്നിവര്‍ സമര്‍പ്പിച്ച നാലു പേജുള്ള റിപ്പോര്‍ട്ടാണ് അജണ്ടയിലെ 19-ാം ഇനമായി സുന്നഹദോസ് ചര്‍ച്ചക്കെടുത്തത്. എന്നാല്‍ റിപ്പോര്‍ട്ടിലെ ശുപാര്‍ശകള്‍ അപ്പാടെ സുന്നഹദോസ് സ്വീകരിച്ചില്ല.

സുന്നഹദോസ് തീരുമാനപ്രകാരം അമേരിക്കന്‍ ഭദ്രാസനത്തില്‍ ഇനിമേല്‍ ഡിവിഷന്‍ അനുവദിക്കുന്നതല്ല. ഭദ്രാസനാധിപന്‍റെ അനുമതിയോടുകൂടി മാത്രമേ ഇനിയുള്ള എന്തു കാര്യങ്ങളും നിശ്ചയിക്കൂ. ഭദ്രാസന വൈദികരുടെ സ്ഥലംമാറ്റവും ശമ്പള വിതരണവും ഭദ്രാസന കേന്ദ്ര ഓഫീസിലൂടെ മാത്രമേ കൈകാര്യം ചെയ്യാനാവൂ. ഇത് ഉടന്‍ പ്രാബല്യത്തില്‍ വരുത്തേണ്ടതാണെന്ന് സുന്നഹദോസ് നിര്‍ദ്ദേശിച്ചു.

സഭയുടെ നിയമങ്ങള്‍ക്കനുസൃതമല്ലാതെ പ്രവര്‍ത്തിക്കുന്ന ഇടവകകള്‍ക്കും കോണ്‍ഗ്രിഗേഷനുകള്‍ക്കും അയോഗ്യത കല്‍പ്പിക്കുകയും ചെയ്യും.

_______________________________________________________________________________________

1998 Feb.

മലങ്കരസഭയുടെ ഐക്യത്തിനും ശാശ്വത സമാധാനത്തിനും കൂട്ടായ പരിശ്രമം ഉണ്ടാകണമെന്ന് പ. കാതോലിക്കാ ബാവാ കോട്ടയം സോഫിയാ സെന്‍ററില്‍ കഴിഞ്ഞ ഫെബ്രുവരിയില്‍ നടന്ന പ. എപ്പിസ്കോപ്പല്‍ സുന്നഹദോസില്‍ അദ്ധ്യക്ഷത വഹിച്ച് പ്രസ്താവിച്ചു.

ഉത്തരേന്ത്യയുടെ വിവിധ ഭാഗങ്ങളില്‍ വര്‍ദ്ധിച്ചു വരുന്ന ക്രൈസ്തവ പീഡനത്തില്‍ സുന്നഹദോസ് ഉത്കണ്ഠ രേഖപ്പെടുത്തി. നിര്‍ബന്ധിത മതപരിവര്‍ത്തനവും നിര്‍ബന്ധിത പുനഃമതപരിവര്‍ത്തനവും കുറ്റകരവും നിര്‍ഭാഗ്യകരവുമാണ്. ഭാരതത്തിന്‍റെ മതസൗഹാര്‍ദ്ദവും സഹിഷ്ണുതാ പാരമ്പര്യവും കാത്തുസൂക്ഷിക്കാന്‍ കേന്ദ്രസര്‍ക്കാര്‍ ജാഗ്രത പുലര്‍ത്തണമെന്ന് സുന്നഹദോസ് ആവശ്യപ്പെട്ടു.

പ്രധാന നിശ്ചയങ്ങള്‍

ക്രിസ്താബ്ദം 2000 മഹാജൂബിലിയായി ഒരു വര്‍ഷം നീണ്ടുനില്‍ക്കുന്ന പരിപാടികളോടെ ആചരിക്കും. ആഘോഷങ്ങളുടെ നടത്തിപ്പിനായി ഫീലിപ്പോസ് മാര്‍ യൗസേബിയോസ് മെത്രാപ്പോലീത്താ ചെയര്‍മാനായുള്ള കമ്മിറ്റിയെ ചുമതലപ്പെടുത്തി.

ഓര്‍ത്തഡോക്സ് സെമിനാരിയുടെ വൈസ് പ്രിന്‍സിപ്പലായി ഫാ. ഡോ. ജേക്കബ് കുര്യനെ നിയമിച്ചു. സഭകളുടെ ലോക കൗണ്‍സിലിന്‍റെ വിവിധ കമ്മിറ്റികളിലേക്ക് തെരഞ്ഞെടുക്കപ്പെട്ട ഫീലിപ്പോസ് മാര്‍ യൗസേബിയോസ്, ഫാ. ഡോ. കെ. എം. ജോര്‍ജ്, ഫാ. ഡോ. ജേക്കബ് കുര്യന്‍ എന്നിവരെ സുന്നഹദോസ് അനുമോദിച്ചു.

പ. എപ്പിസ്കോപ്പല്‍ സുന്നഹദോസിന്‍റെ ഓഫീസ് സെക്രട്ടറിയായി കോട്ടയം സെന്‍ട്രല്‍ ഭദ്രാസന സെക്രട്ടറി ഫാ. റ്റി. എ. ജേക്കബിനെ നിയമിച്ചു. ജോസഫ് മാര്‍ ദീവന്നാസിയോസ് പുലിക്കോട്ടില്‍ രണ്ടാമന്‍റെ 90-ാം ചരമവാര്‍ഷികം കോട്ടയത്ത് ജൂലൈയില്‍ ആചരിക്കും. എം.ഡി. സെമിനാരി സ്കൂളില്‍ പുതുതായി പണിയുന്ന ഹയര്‍ സെക്കണ്ടറി ബ്ലോക്ക് ഇദ്ദേഹത്തിന്‍റെ ചരമ നവതി സ്മാരകമായിരിക്കും.

കൂടുതല്‍ ബാറുകളും ഡിസ്റ്റിലറികളും അനുവദിക്കുന്ന കേരള സര്‍ ക്കാരിന്‍റെ മദ്യനയം പുനഃപരിശോധിക്കണമെന്നും സഭയിലെ വിശ്വാസികള്‍ മദ്യപാനത്തില്‍ നിന്നു പിന്‍തിരിയണമെന്നും സുന്നഹദോസ് ആഹ്വാനം ചെയ്തു.

_______________________________________________________________________________________

2007 Feb.

_______________________________________________________________________________________

2008 August

_______________________________________________________________________________________

2009 August

_______________________________________________________________________________________

2010 Aug.

_______________________________________________________________________________________

2011 Feb.

_______________________________________________________________________________________

2012 Feb.

_______________________________________________________________________________________

2012 Aug.

_______________________________________________________________________________________

7-7-2017

_______________________________________________________________________________________

2017 Feb.

_______________________________________________________________________________________

2017 August

_______________________________________________________________________________________

Other News Reports about synod

_______________________________________________________________________________________

2018 Feb.

സഭയില്‍ ഐക്യവും സമാധാനവും സമ്പൂര്‍ണ്ണമാക്കണം: ഓര്‍ത്തഡോക്സ് സഭ

Holy Episcopal Synod Decisions 2018

Posted by Catholicate News on Freitag, 23. Februar 2018

 

സ്പര്‍ദ്ധയും വിദേഷ്വവും വെടിഞ്ഞ് ഒരു ആരാധക സമൂഹമായി ദൈവസന്നിധിയില്‍ ഏവരും കടന്നു വരുന്ന അനുഗ്രഹീത മുഹൂര്‍ത്തത്തിന് വേണ്ടി മലങ്കരസഭ കാത്തിരിക്കുകയാണെന്നും ഈ ലക്ഷ്യത്തെ പ്രതികൂലമായി ബാധിക്കുന്ന യാതൊരു നടപടിയും മലങ്കര സഭാംഗങ്ങളായ ആരുടെ ഭാഗത്തു നിന്നും ഉണ്ടാകരുതെന്നും ഈ ലക്ഷ്യത്തിന് ഏവരുടെയും സഹായവും പങ്കാളിത്തവും ഉണ്ടാകണമെന്നും മലങ്കര ഓര്‍ത്തഡോക്സ് സുറിയാനി സഭാ എപ്പിസ്ക്കോപ്പല്‍ സുന്നഹദോസ് അംഗീകരിച്ച പ്രമേയത്തില്‍ ആഹ്വാനം ചെയ്തു. 1934 ലെ സഭാ ഭരണഘടനയുടെയും 2017 ജൂലൈ 3 ലെ ബഹു. സുപ്രീം കോടതി വിധിയുടെയും അടിസ്ഥാനത്തിലായിരിക്കണം സമാധാനം കൈവരിക്കേണ്ടത്. ഇവ അംഗീകരിക്കുന്ന ഇടവക ജനങ്ങളില്‍ ആര്‍ക്കും ഇടവകയില്‍ യാതൊരു ബുദ്ധിമുട്ടും തടസ്സവും ഉണ്ടാവുകയില്ലെന്നും സുന്നഹദോസ് പ്രഖ്യാപിച്ചു.
വര്‍ഷം തോറും നവംബര്‍ ആദ്യ ഞായറാഴ്ച്ച സ്നേഹസ്പര്‍ശം കാന്‍സര്‍ സാന്ത്വന പരിപാലനദിനമായി ആചരിക്കാന്‍ മലങ്കര ഓര്‍ത്തഡോക്സ് സഭാ എപ്പിസ്ക്കോപ്പല്‍ സുന്നഹദോസ് തീരുമാനിച്ചു. കോട്ടയം ദേവലോകം കാതോലിക്കേറ്റ് അരമന ഹാളില്‍ പരിശുദ്ധ ബസേലിയോസ് മാര്‍ത്തോമ്മാ പൗലോസ് ദ്വിതീയന്‍ കാതോലിക്കാ ബാവായുടെ അദ്ധ്യക്ഷതയില്‍ ഫെബ്രുവരി 19 മുതല്‍ നടന്ന മലങ്കര ഓര്‍ത്തഡോക്സ് സഭാ എപ്പിസ്ക്കോപ്പല്‍ സുന്നഹദോസ് സമാപിച്ചു.

കാലം ചെയ്ത ഡോ. സഖറിയാ മാര്‍ തെയോഫിലോസിന്‍റെ ദേഹവിയോഗത്തില്‍ യോഗം അനുശോചനം രേഖപ്പെടുത്തി. ഡോ. മാത്യൂസ് മാര്‍ സേവേറിയോസ്, ഡോ. യൂഹാനോന്‍ മാര്‍ ദിമിത്രിയോസ്, ഡോ. യൂഹാനോന്‍ മാര്‍ തേവോദോറോസ്, യാക്കോബ് മാര്‍ ഏലിയാസ്, ഡോ. ജോഷ്വാ മാര്‍ നിക്കോദീമോസ് എന്നിവര്‍ ധ്യാനം നയിച്ചു. സുന്നഹദോസ് സെക്രട്ടറി ഡോ. യൂഹാനോന്‍ മാര്‍ ദിയസ്ക്കോറോസ് അവതരിപ്പിച്ച റിപ്പോര്‍ട്ട് യോഗം അംഗീകരിച്ചു. പരുമല സെമിനാരി, പരുമല ആശുപത്രി, കോട്ടയം വൈദീക സെമിനാരി, നാഗ്പൂര്‍ സെമിനാരി, മലങ്കര ഓര്‍ത്തഡോക്സ് ചര്‍ച്ച് തിയോളജിക്കല്‍ എജ്യൂക്കേഷന്‍ ഫണ്ട്, സെമിനാരി കമ്മീഷന്‍, പ്രാര്‍ത്ഥനാ രചന സമിതി, വിശാല മിഷന്‍, എക്യൂമെനിക്കല്‍ റിലേഷന്‍സ് കമ്മിറ്റി എന്നിവയുടെ റിപ്പോര്‍ട്ട് ഫാ. എം.സി.കുര്യാക്കോസ്, ഫാ. എം.സി പൗലോസ

്, ഫാ. ഡോ. ഓ. തോമസ്, ഫാ. ഡോ. ബിജേഷ് ഫിലിപ്പ്, സഖറിയാ മാര്‍ നിക്കോളവാസ്, യൂഹാനോന്‍ മാര്‍ മിലിത്തോസ്, കെ.റ്റി ചാക്കോ ഐ.എ.എസ്, ഡോ. യൂഹാനോന്‍ മാര്‍ ദിയസ്ക്കോറോസ്, ഡോ. യൂഹാനോന്‍ മാര്‍ ദിമിത്രിയോസ്, ഫാ. ഏബ്രഹാം തോമസ് എന്നിവര്‍ അവതരിപ്പിച്ചു.

ബോര്‍ഡ് ഓഫ് ചര്‍ച്ച് വേള്‍ഡ് സര്‍വ്വീസ് അംഗമായ സഖറിയാ മാര്‍ നിക്കോളാവോസിനെയും, ബൈബിള്‍ സൊസൈറ്റി ഓഫ് ഇന്ത്യ കേരള ഓക്സിലിയറി പ്രസിഡന്‍റായ ഡോ. യൂഹാനോന്‍ മാര്‍ ക്രിസോസ്റ്റമോസിനെയും അനുമോദിച്ചു. ദിവ്യബോധന പ്രസിഡന്‍റായി ഡോ. മാത്യൂസ് മാര്‍ സേവേറിയോസ്, അഖില മലങ്കര ശുശ്രൂഷക സംഘം പ്രസിഡന്‍റായി അലക്സിയോസ് മാര്‍ യൗസേബിയോസ് എന്നിവരെ തെരഞ്ഞെടുത്തു. തടാകം ക്രിസ്തുശിഷ്യ ആശ്രമത്തിലെ വിസിറ്റിംഗ് ബിഷപ്പായി ഗീവര്‍ഗീസ് മാര്‍ കൂറിലോസിനെ നിയമിച്ചു. അത്മായ നേതൃത്വ പരിശ

ീലനം, ആദ്ധ്യാത്മീക പ്രസ്ഥാനങ്ങളുടെ പ്രവര്‍ത്തനങ്ങള്‍ എന്നിവയെക്കുറിച്ച് പഠിച്ച് റിപ്പോര്‍ട്ട് ചെയ്യുന്നതിനായി ഡോ. തോമസ് മാര്‍ അത്തനാസ്യോസ്, ഡോ. യാക്കോബ് മാര്‍ ഐറേനിയോസ് എന്നിവര്‍ അദ്ധ്യക്ഷന്മാരായി സമിതികള്‍ നിയോഗിച്ചു.

error: Content is protected !!