സഭാ സമാധാനത്തിനു താൻ എതിരല്ല: പ. കാതോലിക്കാ ബാവാ

പരുമല: മലങ്കര സഭയിലെ സമാധാനത്തിനു താൻ എതിരല്ല, പക്ഷെ സമാധാനം എങ്ങനെ ആയിരിക്കണമെന്ന കാര്യത്തിലേ തനിക്ക് ആശങ്കയുള്ളു. വ്യവഹാര രഹിത മലങ്കരസഭയാണ് തന്‍റെ ലക്ഷ്യം. താത്കാലിക സമാധാനം ഉണ്ടാക്കിയാൽ അത് നിലനിൽക്കില്ല. തനിക്കാരോടും വിരോധമോ പരിഭവമോ ഇല്ല. പൗരാണികമായ മാർതോമാ ശ്ലീഹായുടെ ഈ സഭ ഇവിടെ നിലനിൽക്കണം. തന്‍റെ ജീവൻ വരെ ഇതിനു വേണ്ടി നഷ്ടപ്പെട്ടാലും തനിക്കു പ്രയസമില്ല. ഭൂതകാലത്തു നിന്ന് പഠിച്ചു വർത്തമാനകാലത്തു എടുക്കുന്ന തീരുമാനങ്ങൾ ഭാവിയിൽ നിലന

ൽക്കുന്നതാവണം. തൻ സമാധാനത്തിനെതിരല്ല, എന്നാൽ സമാധാനം എങ്ങനെയാവണമെന്നതിൽ ആണ് തനിക്കു ആശങ്ക. അതിബുദ്ധിയും സാമർഥ്യവുമല്ല, മറിച്ച് ദൈവം ഈ സഭയെ താങ്ങിക്കൊള്ളുമെന്ന വിശ്വാസത്തിലാണ് താനും മെത്രാപ്പോലീത്താമാരും വിശ്വസിക്കുന്നത്.

പ. പരുമല മാർ ഗ്രീഗോറിയോസ് തിരുമേനിയുടെ 115-ാം ഓർമ്മപെരുന്നാളിൽ വി. കുർബാന മദ്ധ്യേ നടത്തിയ പ്രസംഗത്തിലാണ് പ. ബസേലിയോസ് മാർത്തോമ്മാ പൗലോസ് ദ്വിതീയൻ ബാവാ ഇക്കാര്യങ്ങൾ വിശ്വാസികളെ അറിയിച്ചത്.