മലങ്കര ഓര്‍ത്തഡോക്സ് സഭയിലെ വൈദീക കൂട്ടായ്മയായ സെന്‍റ് തോമസ് ഓര്‍ത്തഡോക്സ് വൈദീക സംഘത്തിന്‍റെ ആഭിമുഖ്യത്തില്‍ ത്രൈവാര്‍ഷീക ആഗോള വൈദീക സമ്മേളനം ആഗസ്റ്റ് 22 മുതല്‍ 24 വരെ പരുമലയില്‍ നടക്കും. കൃപയാലുളള ശാക്തീകരണവും തനിമയുടെ പ്രതിഫലനവും   (2 തീമോത്തി 1:6) ((Empowerment by Grace & Reflection) ) എന്നതാണ് ഈ വര്‍ഷത്തെ ചിന്താവിഷയം 22 ന് 10 മണിക്ക്  രജിസ്ട്രേഷന്‍ ആരംഭിക്കും. 11 മണിക്ക് പരുമല ഓഡിറ്റോറിയത്തില്‍ ചേരുന്ന സമ്മേളനം പരിശുദ്ധ കാതോലിക്കാ ബാവാ ഉദ്ഘാടനം ചെയ്യും. മെത്രാപ്പോലീത്താമാരും വേദശാസ്ത്ര പണ്ഡിതരും സാമൂഹ്യ-സാംസ്കാരീക നേതാക്കന്മാരും ചര്‍ച്ചകള്‍ക്കും ക്ലാസ്സുകള്‍ക്കും നേതൃത്വം നല്‍കും.  സഭയുടെ എല്ലാ വൈദീകരും സമ്മേളനത്തില്‍ പങ്കെടുക്കണമെന്ന് വൈദീകസംഘം പ്രസിഡന്‍റ് ഡോ. മാത്യൂസ് മാര്‍ സേവേറിയോസ് മെത്രാപ്പോലീത്ത ആഹ്വാനം ചെയ്തു. കൂടുതല്‍ വിവരങ്ങള്‍ക്ക് ജനറല്‍ സെക്രട്ടറി -ഫാ. തോമസ് വര്‍ഗീസ് അമയില്‍ (9496231833), ജോയിന്‍റ് സെക്രട്ടറി – ഫാ. സഖറിയാ നൈനാന്‍ (9495962966), പി.ആര്‍.ഒ – ഫാ. ചെറിയാന്‍ ടി. സാമുവേല്‍ (9447413922) എന്നിവരുമായി ബന്ധപ്പെടുക.