നവംബര് നാലിന് ഞായറാഴ്ച രാവിലെ പത്തു മണിയ്ക്ക് വിശുദ്ധ കുര്ബാനയ്ക്ക് ഫാ.അലക്സാണ്ടര് ആഷു കാര്മികത്വം വഹിച്ചു. പരുമല തിരുമേനിയുടെ മാതൃകാപരവും പ്രാര്ത്ഥനാ പൂര്ണ്ണവുമായ ജീവിതം എല്ലാവരും മാതൃകയാക്കണമെന്നും അതിനായി ഒരോരുത്തരും സ്വന്തം ജീവിതം രൂപാന്തരപ്പെടുത്തുണമെന്നും വചനപ്രഘോഷണത്തില് ഫാ.ആഷു ഓര്മ്മിപ്പിച്ചു. രോഗികള്ക്കും വാങ്ങിപ്പോയവര്ക്കും വേണ്ടി പ്രത്യേകം മധ്യസ്ഥപ്രാര്ത്ഥന, ധൂപപ്രാര്ത്ഥന, റാസ, ആശീര്വാദം, കൈമുത്ത്, നേര്ച്ചവിളമ്പ് എന്നിവയ്ക്കു ശേഷം പാരീഷ് ഹാളില് സ്നേഹവിരുന്നും ഉണ്ടായിരുന്നു.
ആത്മീയ ശുശ്രൂഷകളില് പങ്കുചേരാനും വിശുദ്ധന്റെ മദ്ധ്യസ്ഥതയാല് അനുഗ്രഹങ്ങള് പ്രാപിക്കുവാനും ജര്മനിയുടെ വിവിധ ഭാഗങ്ങളില് നിന്നും നിരവധി വിശ്വാസികള് എത്തിയിരുന്നു.
ഇടവക സെക്രട്ടറി മാത്യൂസ് കാക്കനാട്ടുപറമ്പില്, സിനോ തോമസ് (ട്രസ്ററി), രാജന്കുഞ്ഞ്, വി.എം ജോണ്, ബോസ് പത്തിച്ചേരില്, ജിത്തു കുര്യന്, കെ.വി. തോമസ് തുടങ്ങിയവര് പരിപാടികള്ക്ക് നേതൃത്വം നല്കി.