റാന്നി : മലങ്കര ഓര്ത്തഡോക്സ് സുറിയാനി സഭ നിലയ്ക്കല് ഭദ്രാസന വൈദിക കുടുംബ സംഗമം ഏപ്രില് 19-ന് വ്യാഴാഴ്ച വൈകിട്ട് 3 മണി മുതല് കുറ്റിയാനി സെന്റ് ജോര്ജ്ജ് പളളിയില് വച്ച് ഭദ്രാസനാധിപന് അഭിവന്ദ്യ ഡോ.ജോഷ്വാ മാര് നിക്കോദീമോസ് മെത്രാപ്പോലീത്തായുടെ അദ്ധ്യക്ഷതയില് നടത്തപ്പെടുന്നു. നൂറാം ജന്മദിനം ആഘോഷിച്ച മൈലപ്ര മാര് കുറിയാക്കോസ് ദയറ അധിപന് വന്ദ്യ അപ്രേം റമ്പാച്ചനെയും പ.ബസ്സേലിയോസ് ഗീവര്ഗീസ് ദ്വിതീയന് കാതോലിക്കാ ബാവായില് നിന്നും പൗരോഹിത്യത്തിന്റെ പ്രഥമ പടിയായ ശെമ്മാശപട്ടം സ്വീകരിച്ച് വജ്രജൂബിലി ആഘോഷിക്കുന്ന ഓലിക്കല് വെരി.റവ.എം..എം.മാത്യൂസ് കോര്-എപ്പിസ്കോപ്പായെയും സമ്മേളനത്തില് വച്ച് ആദരിക്കും.
