റാന്നി : മലങ്കര ഓര്‍ത്തഡോക്സ് സുറിയാനി സഭ നിലയ്ക്കല്‍ ഭദ്രാസന സണ്ടേസ്കൂള്‍ പ്രസ്ഥാനത്തിന്‍റെ ചുമതലയില്‍ 2017-18 അദ്ധ്യയന വര്‍ഷത്തില്‍ 8 മുതല്‍ 12 വരെ ക്ലാസ്സുകളില്‍ പഠനം ആരംഭിക്കുന്ന വിദ്യാര്‍ത്ഥികള്‍ക്കുവേണ്ടി 7-ാമത് ڇവിദ്യാരംഭ പ്രാര്‍ത്ഥനാദിനവും മാര്‍ഗ്ഗനിര്‍ദ്ദേശ ക്യാമ്പുംڈ റാന്നി മാര്‍ ഗ്രീഗോറിയോസ് കാതോലിക്കേറ്റ് സെന്‍ററില്‍ വച്ച് നടത്തപ്പെട്ടു. ഭദ്രാസന സെക്രട്ടറി റവ.ഫാ.ഷൈജു കുര്യന്‍റെ അദ്ധ്യക്ഷതയില്‍ ചേര്‍ന്ന സമ്മേളനം അഭിവന്ദ്യ ഡോ.ജോഷ്വാ മാര്‍ നിക്കോദീമോസ് മെത്രാപ്പോലീത്ത ഉദ്ഘാടനം ചെയ്തു. നിര്‍മ്മല്‍ വിദ്യാഭ്യാസ സഹായ പദ്ധതിയുടെ വിതരണവും അഭിവന്ദ്യ തിരുമനസ്സുകൊണ്ട് നിര്‍വ്വഹിച്ചു. ഭദ്രാസന കൗണ്‍സില്‍ അംഗം റവ.ഫാ.ജോജി മാത്യു, ഭദ്രാസന സണ്ടേസ്കൂള്‍ ഡയറക്ടര്‍ ശ്രീ.ഒ.എം.ഫിലിപ്പോസ്, സെക്രട്ടറി ശ്രീ.ജോസ് കെ.എബ്രഹാം, ശ്രീ.പോള്‍ തോമസ് തുടങ്ങിയവര്‍ പ്രസംഗിച്ചു. ഒഞ കൗണ്‍സിലറും സഭാ മാനേജിങ് കമ്മറ്റിയംഗവുമായ ബ്രദര്‍ അജി വര്‍ഗീസ് ബത്തേരി ക്ലാസ്സ് നയിച്ചു. അഭിവന്ദ്യ ഡോ.ജോഷ്വാ മാര്‍ നിക്കോദീമോസ് മെത്രാപ്പോലീത്ത മാര്‍ ഗ്രീഗോറിയോസ് ചാപ്പലില്‍ വി.കുര്‍ബ്ബാന അര്‍പ്പിച്ചു.