കുന്നംകുളം : കോട്ടയം പഴയ സെമിനാരി സ്ഥാപകൻ പുലിക്കോട്ടിലൽ ജോസഫ് മാർ ദിവന്നാസിയോസ് ഒന്നാമന്റെ ചരമ ദ്വിശതാബ്ദിയുടെയും പാമ്പാടി കുര്യാക്കോസ് മാർ ഗ്രിഗോറിയോസിന്റെ ചരമ കനക ജൂബിലിയുടെയും ഭദ്രാസന തല ആഘോഷങ്ങളെക്കുറിച്ച് ആലോചിക്കാൻ യോഗം ചേർന്നു. പരിശുദ്ധ ബസേലിയോസ് മാർത്തോമ്മ പൗലോസ് ദ്വിതീയൻ കാതോലിക്കാ ബാവാ ഉദ്ഘാടനം ചെയ്തു. 
പിതാക്കന്മാരുടെ ശതാബ്ദി ആഘോഷം യുവതലമുറയ്ക്കു പ്രചോദനമാകണമെന്നു ബാവാ ഓർമിപ്പിച്ചു. ഡോ.ഗീവർഗീസ് മാർ യൂലിയോസ്, ഭദ്രാസന സെക്രട്ടറി ഫാ. ഗീവർഗീസ് തോലത്ത്, വൈദിക സംഘം സെക്രട്ടറി ഫാ. പത്രോസ് ജി.പുലിക്കോട്ടിൽ, പാമ്പാടി ദയറ മാനേജർ ഫാ.സി.സി. ചെറിയാൻ തുടങ്ങിയവർ പ്രസംഗിച്ചു. ഇരു ആഘോഷ സമിതികളുടെയും ജനറൽ കൺവീനറായി ഫാ. ഗീവർഗീസ് തോലത്തിനെ തിരഞ്ഞെടുത്തു. കൺവീനർമാർ: ഫാ.ജോസഫ് ചെറുവത്തൂർ, സി.കെ.അപ്പുമോൻ, ജിന്നി കുരുവിള.