റാന്നി : സമൂഹത്തില്‍ പ്രതിബദ്ധതയുളള തലമുറ രൂപപ്പെടുത്തുവാന്‍ നേതൃത്വ പരിശീലനത്തിലൂടെ സാധ്യമാകണമെന്ന്‌ ഡോ.ജോഷ്വാ മാര്‍ നിക്കോദീമോസ്‌ മെത്രാപ്പോലീത്ത പറഞ്ഞു. കനകപ്പലം സെന്റ്‌ ജോര്‍ജ്ജ്‌ വലിയപളളിയില്‍ നടന്ന നിലയ്ക്കല്‍ ഭദ്രാസന ബാലസമാജം നേതൃത്വ പരിശീലന ക്യാമ്പ്‌ ഉദ്‌ഘാടനം ചെയ്യുകയായിരുന്നു അഭിവന്ദ്യ തിരുമേനി. റവ.ഫാ.ഒ.എം.ശമുവേല്‍ അദ്ധ്യക്ഷത വഹിച്ചു. കുമാരി മിന്റ മറിയം വര്‍ഗീസ്‌ പ്രഭാഷണം നടത്തി. മലയാള മനോരമ കൊല്ലം യൂണിറ്റ്‌ ചീഫ്‌ സബ്ബ്‌ എഡിറ്റര്‍ ശ്രീ.രാജു മാത്യു ക്ലാസ്സ്‌ നയിച്ചു. ഭദ്രാസന സെക്രട്ടറി റവ.ഫാ.ഷൈജു കുര്യന്‍, റവ.ഫാ.ജോസഫ്‌ സാമുവേല്‍, ശ്രീ.ജേക്കബ്‌ തോമസ്‌, ശ്രീ.ജോര്‍ജ്ജ്‌ ബേബി, ശ്രീ.മാമ്മന്‍ ഫിലിപ്പ്‌, ശ്രീമതി ലില്ലിക്കുട്ടി മാത്യു, ശ്രീമതി ആനി റ്റോബി എന്നിവര്‍ പ്രസംഗിച്ചു. ഭദ്രാസനത്തിലെ എല്ലാ ഇടവകകളില്‍ നിന്നും യൂണിറ്റ്‌ വൈസ്‌ പ്രസിഡന്റ്‌, യൂണിറ്റ്‌ സെക്രട്ടറി, ജോയിന്റ്‌ സെക്രട്ടറി എന്നിവരും ഡിസ്‌ട്രിക്‌ട്‌ ഓര്‍ഗനൈസര്‍മാരും ക്യാമ്പില്‍ പങ്കെടുത്തു.