ഡബ്ലിൻ സെന്റ് മേരീസ് ഓർത്തോഡോക്സ് ഇടവക മലങ്കര സഭയിൽ ശ്രദ്ധേയമാകുന്നു
അയർലണ്ട്:
ഡബ്ലിൻ ലൂകനിലുള്ള സെന്റ് മേരീസ് ഇന്ത്യൻ ഓർത്തോഡോക്സ് ഇടവക അപൂർവതകളിലൂടെ വ്യത്യസ്തമാകുന്നു. യുകെ,യുറോപ്പ്,ആഫ്രിക്ക ഭദ്രാസനത്തിൽപ്പെട്ട പള്ളികളിൽ ആദ്യമായി ട്രസ്ടിയായി ഒരു വനിതാ തെരഞ്ഞെടുക്കപ്പെട്ടത്തിന്റെ ആഹ്ലാദത്തിലാണ് സെന്റ് മേരീസ് ദേവാലയം . ഈ ഇടവകയിലെ ശ്രീമതി മേരി ജോസഫ് ആണ് ഈ അപൂർവഭാഗ്യം കൈവരിച്ചത്.
2015-16 വർഷത്തേക്കുള്ള പുതിയ മാനേജിംഗ് കമ്മിറ്റിയെ നിശ്ചയിക്കുവാൻ വികാരി ഫാ.നൈനാൻ കുര്യാക്കോസ് പുളിയായിലിന്റെ അധ്യഷതയിൽ കൂടിയ പൊതുയോഗത്തിലാണ് ഈ തെരഞ്ഞെടുപ്പു നടന്നത് .രണ്ടു വര്ഷം മുൻപ് ഈ ഇടവകയുടെ ട്രസ്ടി യായിരുന്ന ശ്രീ സുജാൽ ചെറിയാന്റെ ഭാര്യയാണ് മേരി ജോസഫ്.മലങ്കര സഭയുടെ ചരിത്രത്തിൽ ദമ്പതികൾ ഇടവക ട്രസ്ടിയാകുന്ന അപൂർവതയും പ്രത്യേകതയും ഇനി ഡബ്ലിൻ സെന്റ് മേരീസ് ഓർത്തോഡോക്സ് ഇടവകയ്ക്ക് മാത്രം അവകാശപ്പെട്ടത്.
കമ്മറ്റിയിലെ മറ്റംഗങ്ങൾ ; ശ്രീ ഷാജി എബ്രഹാം(സെക്രട്ടറി),മനോജ് ജോണ്,നെബു വർക്കി,ബിനോയ് ഫിലിപ്,ജോസഫ് തോമസ്,സെൻ ബേബി.
ഇടവക മെത്രാപോലീത്ത അഭി.മാത്യൂസ് മാർ തിമോതീയോസ് തിരുമേനിയുടെ കല്പനപ്രകാരം പുതിയ കമ്മറ്റിയെ വികാരി ചുമതല ഏല്പിച്ചു.
ചുരുങ്ങിയ കാലം കൊണ്ട് സഭയിലും സമൂഹത്തിലും മികച്ച പ്രവർത്തനങ്ങൾ നിർവഹിക്കുന്ന കുടുംബങ്ങൾ ഉൾകൊള്ളുന്ന ഈ ദേവാലയത്തിലെ ആരാധനകൾ ലൂക്കൻ വില്ലജിലാണ് നടത്തപ്പെടുന്നത്
കൂടുതൽ വിവരങ്ങൾക്ക്
ഫാ.നൈനാൻ കുര്യാക്കോസ് പുളിയായിൽ (വികാരി )
ശ്രീമതി മേരി ജോസഫ് (ട്രസ്ടി)
ശ്രീ ഷാജി എബ്രഹാം (സെക്രട്ടറി)
