ഗാല സെന്റ് മേരീസ് ഓർത്തഡോൿസ് ഇടവകയിൽ ഹാശ ആഴ്ച
ആചരിക്കുന്നു. അമ്പതു നോമ്പി നോടനുബന്ധിച്ചു ഗാല പള്ളിയിൽ പ്രത്യേകം തയ്യാറാക്കിയിരിക്കുന്ന ശിതികരിച്ച പന്തലിൽ വച്ച് ഈ വർഷത്തെ വിശുദ്ധ വാരാഘോഷം നടക്കും . നാഗപ്പൂർ സെന്റ് തോമസ് ഓർത്തഡോൿസ് തിയോളജിക്കൽ സെമിനാരി പ്രൊഫസർ ഫാ .ഡോ . ഷാജി പി ജോൺ മുഖ്യ അതിഥി ആയിരിക്കും .
18 നു വെള്ളിയാഴ്ച രാവിലെ 7 മണിക്ക് പ്രഭാത പ്രാർഥന ,വി കുർബാന നാൽപതാം വെള്ളി ആചരണം ,സഭയുടെ കാതോലിക്കാ ദിന ആഘോഷം . കുർബാനാനന്തരം കാതോലിക്കാ ദിന പതാക ഉയർത്തും .തുടർന്ന് സ്നേഹ വിരുന്ന് . 19 നു ശനിയാഴ്ച വൈകിട്ട് 7 മണിക്ക് സന്ധ്യാ നമസ്കാരം ,വി കുർബാന ,ഓശാന പെരുന്നാൾ ശുശ്രൂഷ .
20 നു ഞായറാഴ്ച മുതൽ 22 നു ചൊവ്വാഴ്ച വരെ എല്ലാ ദിവസവും വൈകിട്ട് 7.15 മുതൽ സന്ധ്യാനമസ്കാരം . തുടർന്ന് ഫാ ഷാജി പി ജോൺ നയിക്കുന്ന വചന ശുശ്രൂഷ . 23 നു ബുധനാഴ്ച വൈകിട്ട് 6 മുതൽ ഹൂസോയോ ,വി കുർബാന ,പെസഹാ പെരുന്നാൾ നേർച്ച വിളമ്പു .24 നു വ്യാഴാഴ്ച 7 മണിക്ക് വചനിപ്പു പെരുന്നാൾ . 25 നു വെള്ളിയാഴ്ച രാവിലെ 7 മുതൽ 2 വരെ ദുഖവെള്ളിയാഴ്ച ആചരണം . തുടർന്ന് സമൂഹ കഞ്ഞി വിതരണം . വൈകിട്ട് 7 .15 നു സന്ധ്യാനമസ്കാരത്തെ തുടർന്ന് ധ്യാനം, യുവജന പ്രസ്ഥാനത്തിന്റെ നേതൃത്വത്തിൽ ജാഗരണം .
26 നു ശനിയാഴ്ച രാവിലെ 7 .30 മുതൽ ദുഖ ശനി കുർബാന . വൈകിട്ട് 7 മണിക്ക് ഈസ്റ്റർ സർവീസ് , സമൂഹ സദ്യ എന്നിവ നടക്കും . എന്ന് വികാരി ഫാ ജോർജ് വർഗീസ് ,അറിയിച്ചു .ഇടവക ട്രസ്റ്റി പി സി ചെറിയാൻ , സെക്രടറി കെ സി തോമസ് , കൺവീനർ മാത്യു നൈനാൻ ,മാനേജിംഗ് കമ്മറ്റി എന്നിവർ നേത്രുത്വം നൽകും .
