കുവൈറ്റ് സെ: സ്റ്റീഫൻസ് ഇന്ത്യൻ ഓർത്തഡോൿസ് ഇടവകയിലെ ഓ .വി .ബി . എസ് ജൂണ് 22 മുതൽ ജൂലൈ 1 വരെ നടത്തപെടുന്നു . മലങ്കര ഓർത്തഡോൿസ് സഭയുടെ കുട്ടികൾക്കായുള്ള അവധിക്കാല വേദ പരിശീലന പദ്ധതി ആണ് ഓ .വി .ബി . എസ് എന്ന ഓർത്തഡോൿസ് വെക്കേഷൻ ബൈബിൾ സ്കൂൾ . .വൈകിട്ട് 4.30 മുതൽ 7.30 വരെയാണ് ക്ലാസുകൾ .”ദൈവത്തെ ആത്മാവിലും സത്യത്തിലും ആരാധിക്കണം”(യോഹന്നാൻ 4:24) ആണ് ഈ വർഷത്തെ ചിന്താവിഷയം
മലങ്കര സഭയിലെ ആരാധനാ സംഗീത വിഭാഗമായ ശ്രുതി സ്കൂൾ ഓഫ് ലിറ്റർജിക്കൽ മ്യൂസിക് കൽകട്ട ഭദ്രാസന ഉപാധ്യക്ഷൻ റെവ .ഫാ . വർഗീസ് പി .ജോഷ്വ ആണ് ഈ വർഷത്തെ ക്ലാസ്സുകൾക്ക് നേത്രുത്വം നൽകുക .മാവേലിക്കര സ്വദേശിയായ ഇദ്ദേഹം നിലവിൽ ബിലാസ്പൂർ സെൻറ് ഗ്രീഗോറിയോസ് ഇടവകാ വികാരിയായി പ്രവർത്തിക്കുന്നു .
അബ്ബാസിയ യു .എ .ഇ . എക്സ്ചേഞ്ചിനു സമീപം ഉള്ള സെൻറ് . ജോൺസ് ഹാൾ ആണ് വേദി . .ഇടവക വികാരി ഫാ. സഞ്ജു ജോണിന്റെ നേതൃത്വത്തിൽ ശ്രീ.ലവിൻ തോമസ് സൂപ്രണ്ട് ആയും ശ്രീമതി. ഷൈനി അജോയ് കൺവീനർ ആയും ചുമതല നിർവഹിക്കും . ഓ .വി .ബി . എസ് -നു ഒരുക്കങ്ങൾ പൂർത്തിയായതായി സംഘാടകർ അറിയിച്ചു
വിശദ വിവരങ്ങൾക്ക് ബന്ധപെടുക 50923239,99182907
