കുന്നംകുളം ∙ ഓർത്തഡോക്സ് ഭദ്രാസനത്തിന്റെ നേതൃത്വത്തിൽ നടത്തുന്ന സുവിശേഷ കൺവൻഷൻ ഇന്നു മുതൽ നാലു ദിവസം (ജനുവരി 18,19,20,21) ടൗൺഹാളിൽ നടക്കും. ഇന്നു വൈകിട്ട് 6.30ന് ഗാനശുശ്രൂഷയോടെയാണു കൺവൻഷനു തുടക്കം. ഏഴിന് പരിശുദ്ധ ബസേലിയോസ് മാർത്തോമ്മാ പൗലോസ് ദ്വിതീയൻ കാതോലിക്കാ ബാവാ ഉദ്ഘാടനം ചെയ്യും. കോട്ടയം ബസേലിയോസ് കോളജിലെ ഫാ.തോംസൺ റോബി സന്ദേശം നൽകും.
വെള്ളി, ശനി ദിവസങ്ങളിൽ 6.30ന് ഗാനശുശ്രൂഷയും ഏഴിന് സുവിശേഷ യോഗവും നടക്കും. ഫാ.ടൈറ്റസ് ജോൺ തലവൂർ, മെർലിൻ ടി.മാത്യു എന്നിവർ നേതൃത്വം നൽകും. ഞായറാഴ്ച ഒന്നിനു സൺഡേ സ്കൂൾ സംഗമത്തിന് ഫാ.സജി രാജു നേതൃത്വം നൽകും. കലാ–സാംസ്കാരിക പരിപാടികളും ഉണ്ടാകും. 8.30ന് നടക്കുന്ന സമാപന സമ്മേളനത്തിൽ ഡോ.ഗീവർഗീസ് മാർ യൂലിയോസ് സന്ദേശം നൽകും. ഭദ്രാസനത്തിനു കീഴിലെ നാൽപതോളം പള്ളികളുടെയും ആത്മീയ സംഘടനകളുടെയും സംയുക്താഭിമുഖ്യത്തിൽ നടക്കുന്ന കൺവെൻഷനു ഫാ.ഗീവർഗീസ് തോലത്ത്, ഫാ. ടി. സി. ജേക്കബ്, ജോൺ പി.ഏബ്രഹാം എന്നിവരടങ്ങിയ കമ്മിറ്റി നേതൃത്വം നൽകും.